Archive for Juni 2013
~ WEWAYANGMU ~
Sumrimbit
bayu ngelus langit sore
Manuk
sriti ing pucuking cemara
Ngenteni
anggone aslupe bagaskara
Wengi
bakal tumeka...
Tumlawung
rasa kang ngulandra
Tresnakau
marang sliramu
Nggambarake
manising esemu
Menawa,
sliramu gelem ngerti
Tresna
iki larang regane
Ora
bisa dituku
Ora
kena ditiru
Jalaran,
toh-tohane nyawaku
Lintang-lintang
abyor ing tawang
Cahyane
gumebyar sunare gilar-gilar
Apa
panjalukmu?
Apa
aku kudu lumaku sadhuwure bayu !!!
Apa
pasuwunmu?
Amrih
aku bisa lelayar ing segara atimu
Rembulan wis manjer madhangi wengi
Bareng karo wewayangmu
Kang bakal ngebaki impen petenging wengi
Nggambarake esemu kang ora bisa di lali
Nanging...
Yen, sliramu dudu duwekku
Apa kudu wewayangmu,
Tak buwang bareng karo lumingsiring wengi ???
Gmabar : www.pasopatifm.com
Tag :// Romance
